نفت النجمة هند صبري تعمدها عدم الزواج من شاب تونسى الجنسية، بسبب معاناتها النفسية من تجربة انفصال والديها، وكشفت للمرة الأولى عن الجانب الشخصي في علاقتها مع زوجها أحمد، مؤكدة أن العلاقة امتدت 13 وتلونت بأكثر من شكل ولكن الغالب عليها الصداقة.
وقالت، خلال الجزء الثاني من حوارها ببرنامج "السيرة"، والذى تقدمه الإعلامية وفاء الكيلانى على فضائية "dmc": أنا عجبت أحمد جوزى وهو عجبنى، وأنا كنت عارفة إيه اللى أنا عاوزاه، وإيه اللى مش عاوزاه فى الشخص اللى هارتبط بيه، زى إن يكون حد يشيلنى المسؤولية وكل حاجة، ولاقيت المعادلة دى فى أحمد جوزى.
أضافت هند صبرى: هو معاه الجنسية الكندية إلى جانب المصرية، بس ولادى معاهم 3 جنسيات، وأنا لم أحصل على الجنسية الكندية عشان لازم أروح أعيش فترة هناك.
وتابعت: علاقتى بجوزى علاقة صداقة وحب، ولحد النهارده مشاعرى تجاه أحمد بتتلون، لكن البارز هو الصداقة، وأنا أول لما شوفته استلطفته وبيضحكنى وأنا مش أى حد يضحكنى.
وكشفت هند صبرى عن أول أزمة حدثت بينها وبين زوجها مؤكدة أنهما اختلفا يوم حفل الزفاف لأن زوجها رفض ارتداء الزى التونسي المتعارف عليه، ولكنها أصرت على أن يرتديه، خصوصا بعد إصرار أحد أقاربها على جعل زواجهما بهذه الملابس، مواصلة: "أحمد شخصية عنيدة جدا".
وأشارت إلى أنها فوجئت بصعوبة الزواج فى أول سنة، لأنها أصعب سنة فى الزواج، وتابعت: أنا عندى وسواس قهرى بجد مقدرش أنام لو المواعين متغسلتش وكل حاجة اتحطت فى مكانها.
ونفت هند صبري أنها لم ترتبط برجل تونسي بسبب الظروف التي حدثت من انفصال والدها عن والدتها، ولكن السبب أنها لم تكن تعيش في تونس وأن حياتها واستقرارها كانا في مصر.
