كشف الداعية الإسلامي مبروك عطية عن تفاصيل الفيديو المنتشر له الذي يعنف فيه أحد الشباب داخل مسجد.

قال عطية: الواقعة حدثت منذ 8 سنوات، وكانت عبارة عن حوار بينى وبين أحد المصلين فى درس بعد صلاة الفجر"، وذلك في فيديو نشره عبر حسابه بموقع Facebook.

وأضاف: "واحد بيتكلم وأنا بتكلم قلت له اسمع قال مش سامع، قلت تعالى اقعد قدامى، قال مش قادر أقوم قلت له خلاص آجى اشيلك، وخلصت الحدوتة".

واختتم الدكتور مبروك عطية، قائلا: الدرس كان بعد صلاة الفجر وجيران الجامع عايزين يناموا فبطلت استعمل الميكرفون".

يذكر أن الرئيس عبد الفتاح السيسي أجرى مداخلة هاتفية منذ أيام مع مبروك عطية، وقال له عن أزمة موافقته على العنف الأسري: "أنا مش هقول ملحوظة ولا حاجة، العلماء الأجلاء مينفعش نقول عليهم ملحوظات، كل اللي بيسمعنا ثقافات مختلفة وأفكار مختلفة ويمكن تقول متنوعة، مش كل الناس هتستقبل كل الكلام بنفس الفهم اللي بيبقى مقصود عند طرحه، مش عارف أوصلك النقطة دي يا أستاذ مبروك".

وتابع الرئيس السيسي: "كل اللي عاوز أقوله، كل اللي بيتقال ليه وجاهته العملية والفكرية ومش كلنا هنفهمه بشكل متساوي، يمكن دي مش مشكلة، بس عاوز المتحدث يعرف إن كل اللي بيسمعوه مش زي بعضهم، الأفكار مختلفة، لكن تقديري لك وتقديري للأستاذ شريف، وأنا سعيد أوي بالبرنامج".