قال رئيس نادي الزمالك ، إن الزمالك لن يُكمل الدوري، لأن «اللي بيحصل دا مش تحكيم». وأضاف رئيس الزمالك، في مداخلة هاتفية ببرنامج «حضرة المواطن» على قناة «العاصمة»، مساء الأحد: «مش هنكمل الدوري، الأستاذ البنا ده اللي عايز يضيع الدوري مننا، مش عايز أقول كلمة (...) على الهواء، هو النادي الأهلي محتاج حد يساعده، الأهلي لعب الأربعاء، والزمالك لعب الأربعاء، إحنا لعبنا النهاردة والأهلي هيلعب الثلاثاء؟، ليه؟». وتابع: «فيه أزمة نفسية للاعبي الزمالك لو لعبوا في استاد الدفاع الجوي، فيه عيال ماتت في المكان ده كانوا رايحين يشجعوا الفريق، ولكن المسؤولين في اتحاد الكورة قالوا هو المكان ده، الأهلي قال مليش مزاج ألعب في بتروسبورت قالوا حاضر». وأردف: «الزمالك مش هيكمل الدوري طول ما وجيه أحمد رئيس لجنة الحكام، الزمالك اتغلب النهاردة أونطة، يا وجيه دلدول حازم الهواري، اللي بيختار الحكام على مزاجه عشان الزمالك يتغلب».