عبرت الفنانة سمية الخشاب عن حزنها مما يحدث في أوكرانيا وما يعاني منه الشعب الأوكراني.

كان ذلك خلال مداخلة هاتفية مع برنامج "الستات" من تقديم مفيدة شيحة وسهير جودة عبر قناة "النهار".

وقالت سمية الخشاب: الحرب خراب ودمار أبشع شيء في الوجود.

وأضافت سمية الخشاب:"مفيش وقت للهزار الناس دي محتاجين الدعاء مننا، الحرب خراب ودمار، وصعب تهزر وقت الأزمات وحاجة غير إنسانية، ولازم الإنسان يكون متفاعل ويكون هناك تناغم مع المجتمع، ويدرك ما يحدث من حوله.

وتابعت الفنانة سمية الخشاب: الكوميكس اللي طالع من بعض الشباب سخيف صعب وقت الأزمات والمصايب الناس تهزر، الحكاية مش وقتها.. الحرب الروسية الأوكرانية مينفعش فيها الهزار يا جماعة الخير.

وكانت سمية الخشاب كتبت عبر حسابها على Twitter معلقة على الحرب: "أنا زهقت من كوكب الارض والبني آدمين الهمج اللي مش عارفين يعيشوا في سلام، يعني سنتين ونص كورونا ودلوقتي داخلين على حرب عالمية تالته دي حاجه تقرف".

وكشفت سمية الخشاب عن غيابها عن الموسم الرمضاني 2022، وتحضيرها لأفلام سينمائية لفترة ما بعد العيد.