تحدث مطرب المهرجانات المصري، حمو بيكا، عن معاناته التي يعيشها منذ 5 سنوات بسبب التنمر، بحسب تعبيره.
وفي منشور شاركه على حسابه عبر فيسبوك، قال بيكا: "يا جماعة يا ريت نفهم ان انا موجوع و تعبان، كفاية تنمر عليا، اتنمر عليا مرة واتنين وتلاتة، ولسه فيه ناس بتتنمر عليا".

وتابع: "بتتنمروا عليا لحساب مين ؟! انا بني آدم زي زيكم والله.. الاستاذ هاني حضرتك كنت في ندوة واتنمر عليا وانت اخويا الكبير وانا مسامح والله، بس كفاية بالله عليك"، مضيفا: "انا اه مش بعرف اقرا واكتب، بس ربنا خلقلي قلب احس بيه، كفاية تجرحوني، مش كل واحد يبقى عنده سلطة يتحكم في البشر؟!".
واضاف حمو بيكا في منشوره: "انا 5 سنين بعاني وبعافر بس هما شايفين ان احنا مبسوطين وفرحانين.. لا انتوا اللي مبسوطين وانتوا اللي معاكم ومعاكم كتيييير وعندكم كتيييير، بس عمرنا ما بصينالكم".
وسأل: "هو ليه لما يكون معايا حاجه حد يبصلي فيها وعايز يأخدها؟! ده غير مرضي اللي بدفعله في الشهر كتير اوي"، مضيفا: "حسوا بيا، لو غلطت في حاجه تعالي وحاسبني وعلمني الصح من الغلط.. فاتح بيت وعندي أسرة وعندي مسؤوليات كتير محدش يعلم بيها إلا ربنا.. ارجوكم كفاية".
وختم حمو بيكا منشوره بالقول: "يا ريت تحكموا بينا بالعدل زي ما ربنا سبحانه وتعالى بيقول: "وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْل"، وكفاية تنمر عليا وافتكروا كلام ربنا :
" يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ " ..، وفي النهاية شكراً لكل حد بيدعمني و بيحبني".
وتفاعل المتابعون مع المنشور بشكل كبير، معبرين عن تضامنهم مع حمو بيكا ورفضهم لكل اشكال التنمر.