أنتقدت الفنانة عفاف شعيب الموضوعات التي تناقشها الإعلامية رضوى الشربيني في برنامجها، مُوضحةً أنّها تتسبب في "خراب البيوت".
وقالت عفاف شعيب خلال استضافتها في برنامج "البخت"، الذي تقدمه خلود عزمي عبر قناة الشمس: "مبحبش كلامها، بتقوم الست على الراجل وتقوم الراجل على الست، في خراب بيوت، البيت بيتخرب بسبب الكلام الي مالوش لازمة".
وأضافت: "في ناس هتقول اني مع الرجل لكن أنا مع حق ربنا الي اتعلمناه من أهالينا، أنا شفت أمي بتتعامل مع والدي أزاي وشفت خالتي بتتعامل إزاي مع زوجها، الود والرحمة، اعتبر كل اللي بيحصل بدع.
وخلال اللقاء كشفت عفاف شعيب عن رأيها في "تريند" "الست مش ملزمة" وقالت: "الله يسامحكم، دي دعوة لخراب البيوت وكلام فاضي وعيب، إحنا ماشيين على الشريعة الإسلامية والسنة".
وأضافت: "الي بيتكلموا عن الموضوع دارسين إيه؟ هل فهمتوا دينكم الأول، وربنا سبحانه وتعالى طلب إيه من المرأة والرجل، المرأة لها حقوق والرجل له حقوق".
ورداً على سؤال ما الهدف من هذه الدعوات في رأيك؟ قالت: "دي أجندة يتم تنفيذها لمصلحة الغرب، والمشكلة إن البرامج الدينية عندنا انقرضت، وأصبح لدينا أزمة أخلاق ودين".
