كشف الإعلامي محمود سعد عن مفاجأة شاهدها أثناء زيارته لدولة المغرب.
وقال سعد من خلال فيديو نشره من الفندوق بعد وصوله المغرب عبر حسابه على Instgram وعلق قائلا: "أول ما وصلنا المغرب وركبنا العربية ووصلنا الفندق اللي نازلين فيه.. أول حاجة شوفتها في الفندق صورة (أم كلثوم) في البهو الرئيسي الخاص بالفندق فبقيت عاوز أسقف".
وتابع: "يعني 47 سنة على وفاتها.. لكن حاجة مش معقولة وفرحت زي الأطفال بالظبط.. بداية موفقة ان شاء الله".
وفي سياق متصل، وجه محمود سعد رسالة لكل المتنمرين على وزن شيرين عبد الوهاب الزائد في الفترة الأخيرة.
قال محمود سعد: "من يتنمر على شيرين يبقى شخص متوحش، مش لأنها شيرين المغنية لأ لأنها مواطنة مصرية إحنا بنحبها، والعرب اللي بيحبوا الغنا كلهم بيحبوها وهي سيدة بتمر بمحنة، أعتبرها مبتغنيش بقي خالص ولا هي معروفة اعتبرها جارتك بتمر بمحنة هتعمل معاها ايه؟ لازم نقف جنب بعض"، حسب تصريحاته في بث مباشر عبر حسابه بتطبيق TikTok.
وتابع: ضيف على ذلك إن الست دي بتغني غنا بنطرب بيه ونستمتع وصوتها جميل جد، أنا رأيي إن شيرين لسه مغنتش لسه هتغني حلو كتير أوي أوي.. شيرين دي من الحاجات الحلوة في مجتمعنا العربي اللي بتقدم لنا حاجات تسعدنا.. فتيجي أنت تتنمر عليها عشان جسمها تخن شوية أو عشان مرت بظروف مش عارف ايه.. طب ما كلنا بنمر بالحاجات دي.
