أعربت الفنانة صبا مبارك عن استيائها من تقديم الجزء الرابع من مسلسل “حكايات بنات” بدونها، وذلك خلال لقائها اليوم ببرنامج “صاحبة السعادة” مع إسعاد يونس.
حيث قالت صبا مبارك: “اه طبعا زعلنا، واتقمصت قمصة، البنات اللي مثلوا الجزء الرابع بحبهم بس غيرة بقى أنتي فاهمة، مشروعنا إزاي تدوه لحد تاني كدا؟!”.
وفي الحلقة ذاتها، تحدثت الفنانة صبا مبارك عن علاقتها بالسوشيال ميديا، حيث قالت صبا مبارك: “مليش في جلسات تصوير الفنانات والسوشيال ميديا بالنسبة لي حاجة غريبة، وبخاف اتصور وارفع صوري على السوشيال ميديا لإنها شغلانة فوق الشغلانة”.
وتابعت: “ولا يمكن أتصور عن عمد علشان أرفع صوري على السوشيال ميديا.. فيه ناس بتعتبر صورها على السوشيال ميديا مهمة علشان الشغل، ولكن أنا مش شايفة ده ضروري، وأنا طول الوقت مشغولة جدا”.
وأضافت: “بقرأ كتير في علم النفس وتحليل الشخصيات والأدب والمسرح وفي الإخراج والإنتاج الفني.. وأنا بعيدة عن السياسة علشان بتتعبني، وباكون مع عيلتي”.
