كشفت الفنانة نبيلة عبيد عن استعدادها لتبني طفلة من ضحايا زلزال تركيا وسوريا.
وفي تسجيل صوتي لبرنامج Mbctrending قالت نبيلة عبيد: متأثرين كلنا جدا بالمأساة الكبيرة اللي بنتابعها كل يوم للشعب التركي والسوري أنا شفت مشهد الحقيقة مش قادرة أجمع أعصابي الست اللي ولدت تحت الأنقاض اللي ساعدها في الولادة راجل وهي اتوفت بعد الولادة وهو أخد البنت وخرج من تحت الأنقاض حاجة لغاية دلوقتي مخلية الواحد مش بينام.
وتابعت: أنا بس عايزة أعرف مصير الطفلة دي فين عشان قلبي واجعني عليها وعليهم كلهم ولو قادرة أروح واشترك معاهم هروح عايزة أعرف مصير الطفلة اللي اتولدت تحت الأنقاض هي موجودة فين ولو هي عند حد ويقدر يتواصل وأنا مستعدة أخدها يارب شيل عنا وعن العالم كله.
وتتواصل عمليات الإنقاذ والبحث عن ناجين تحت أنقاض المباني السكنية، عقب الزلزال المدمر الذي ضرب تركيا وشمال غرب سوريا، في ظل ارتفاع أعداد الضحايا مع مرور الوقت.
كما تتواصل مبادرات نجوم وفناني سوريا للتبرع بالمال والدم، للمساعدة على تخفيف معاناة منكوبي الزلزال.
