تحدثت الفنانة زينة عن كواليس مشاركتها في مسلسل "جعفر العمدة" وسبب تقديمها لدور "عايدة".
وحكت زينة عن كواليس مسلسل "جعفر العمدة" التي كانت مختلفة عما يراه الجمهور على الشاشات وقالت خلال لقائها في برنامج "مساء dmc من تقديم إيمان الحصري عبر قناة dmc: اللي بيطلع على الشاشة غير اللي موجود أنا كنت منعزلة لأني بحب أركز ومش بحب أضيع طاقتي في الكلام أو أي حاجة غير الشغل، كنت بروح أصور المشهد وأرجع الأوضة تاني.
وأوضحت زينة ترتيب تصوير المشاهد قائلة: أول مشهد صورته كان رحلة "عايدة" و"جعفر" في لبنان وآخر مشهد صورته هو مشهد تقديمتي في المسلسل لما بطلب من "جعفر" 40 مليون جنيه، أحنا ماشيين بالعكس لو سبت نفسي للهزار مش هنطلع حاجة لازم أحافظ على مود الشخصية وكان لازم أنعزل.
وأوضحت زينة أنها عندما عرض عليها المسلسل تم اختيارها لدور "عايدة" لكن في نفس الوقت تركوا لها مساحة لاختيار الدور الذي تريد تقديمه من شخصيات زوجات "جعفر" لكنها فضلت دور "عايدة" موضحة السبب: البطلة دايما هي حبيبة البطل، هما قالولي المسلسل أهو اختاري اللي أنت عايزاه ولو عايزة أزود الدور، أنا عجبني "عايدة" والفنان لازم يبقى ذكي في اختياراته أنا موجودة في المسلسل لازم استفيد بشكل مختلف أنا محتاجة دور الطيبة وأني أطلع مع نجم زي محمد رمضان ومسلسل نجاحه مضمون.
