أعلن الفنان حلمي عبد الباقي، وكيل أول نقابة المهن الموسيقية، وقف المطربة اللبنانية السورية سارة زكريا، بعد إهانتها للجمهور في حفلها الأخير بالساحل الشمالي، مؤكدًا أنها ليست عضوة ف نقابة المهن الموسيقية من الأساس.
وقال الفنان حلمي عبد الباقي: المفروض من غير تحقيق تتشطب لأنها مش عضو في النقابة أصلًا ومش هيحصل ده تاني، وهي تنسى أنها تغني في مصر تاني، وقررنا وقفها عن الغناء ومش هتمسك مايك تاني في مصر احنا مش هنسمح بده.
وأكد حلمي عبد الباقي، وكيل أول نقابة المهن الموسيقية، أن مجلس النقابة يرحب بأي فنان يحمل جنسية غير مصرية طالما يحترم عادات وتقاليد الجمهور المصري، متابعًا: أهلا وسهلا بأي فنان من بره مصر طالما بيحترم الجمهور وبيحترم المسرح والكلمة اللي بيقولها، أنما أي حد تاني هيخرج عن النص ملوش مكان عندنا.
وأردف: مينفعش على مسرح مصري تقولي الالفاظ دي مش هيحصل حتى لو هتكسبنا ملايين مش هنقبل بده.
