تحدثت الفنانة الشابة أميرة أديب عن تعرضها للتنمر كثيرا وخسارتها لبعض الأدوار بسبب أنفها.

وقالت أميرة أديب خلال لقائها في برنامج "الراديو بيضحك" مع فاطمة مصطفى عبر إذاعة "الراديو 9090": "أنا الناس بتتنمر عليا عشان مناخيري وفي أدوار كتير مجاتليش بسبب الموضوع دا وكانوا بيقولولي مناخيرك كبيرة، أنا مش عايزة أبدا أخلي في شكل جمالي معين هو اللي يحركني أو يحرك بنات وفي شغلي أنا عايزة أحط كل شيء طبيعي في أي حاجة بعملها سواء حجم شكل أو طول عشان أنا تعرضت لدا".

وتابعت أميرة أديب: "في شغل وقفلي عشان مناخيري واتقالت لي من مخرجين وكان عندي حلين يا أروح أعمل فيلر وأكبر شفايفي أو أخلي الناس تتنمر عليا شوية واسمع كلمتين وحشين بس أخلي بنت شبههي تحس أن إيه دا عادي تمام، مع أن التعليقات ساعات بتضايقني بس بقول لنفسي، ربنا مش بيعمل حاجة غلط ودا مش معناه أن لو بنت بتعمل فيلر دا حاجة وحشة المهم تبقى سعيدة وممكن في يوم من الأيام أضعف وأعمل المهم أن الواحد يعمل اللي يرضيه".

يذكر أن أميرة أديب شاركت في موسم رمضان 2025 بمسلسل "عايشة الدور".

ومسلسل "عايشة الدور" عرض في النصف الثاني من شهر رمضان 2025 وتكون من 15 حلقة.

مسلسل "عايشة الدور" بطولة دنيا سمير غانم، نور محمود، أحمد عصام السيد رحاب الجمل، أميرة أديب، وفدوى عابد، وأحمد فاضل، ومن إنتاج محمد أحمد السبكي، وتأليف كريم يوسف وأحمد الجندي، وإخراج أحمد الجندي.