نجح أهالي شارع العشرين بمنطقة فيصل بالجيزة بمصر، في ضبط رجل مجهول الهوية حاول خطف طفل من والدته، في وضح النهار أثناء عودتها لمنزلها، بعدما قامت بتوصيل أبنائها إلى المدرسة، وانهالوا عليه بالضرب المبرح قبل أن تأتي الشرطة وتعتقله.

وقد أظهرت الأم شجاعة مشرفة في الطريقة التي تصدّت فيها له، ومنعته من اختطاف طفلها بفضل صراخها المرتفع، حتى هب حشد من المارة في مساعدتها والإمساك باللص.

وذكرت صحيفة "الدستور" تفاصيل الواقعة، حيث روى زوج السيدة التي حاول اللص خطف ابنها تفاصيلها، قائلًا: "زوجتى كانت بتوصل الأولاد للباص بتاع المدرسة الساعة ٦ الصبح ومعاها ابنى سنة ونص شايلاه وبعد ما ركبت الأولاد الباص وراجعة البيت طلعلها الكلب ده وحط المطواه على رقبة ابنى".

وتابع زوج السيدة: "قال لمراتي لو طلعتى صوت هدبحه قالتله عايز إيه قالها هاتى الموبايل فقالتله اتفضل فقالها سيبى الواد كمان وهنا قامت مصوتة وزعقت جامد، فخد الموبايل وجرى باتجاه ناس بتصب خرسانة وسمعوا صوتها فجريوا وراه لحد ما مسكوه.. إحنا وصلنا وسحبناه لحد البيت ونزلنا فيه ضرب زى ما إنتو شايفين وربطناه فى الشجرة وربنا الحافظ لأولادكم".

وتداول العديد من سكان فيصل على صفحات التواصل الاجتماعي صورة الرجل، وهو مربوط بالحبال وتظهر عليه علامات الضرب المبرح، وتفاعلوا مع السيدة وطفلها الصغير.

وقال أحد النشطاء: «الحمد لله إنه اتمسك.. كل أم بقى تخلي بالها من أطفالها عشان إحنا عدينا مرحلة الخطف عيني عينك.. بقينا في آخر الزمان خلاص!! ربنا يرحمنا برحمته».

وأضاف آخر: «حرام هي الناس إيه جرالها.. تحرم أب وأم من ابنهم أو بنتهم ليه.. لحد إمتى المهزلة دي لازم يبقى في عقوبات شديدة عشان يبقى عبرة لغيره».

وعلق ثالث: «مش هيصعب على الواحد ياريت يشربوا من دمه لإنهم بيحرقوا قلب أمهاتهم عليهم بمقابل ما يسواش بيبيعوا الطفل بـ10000 جنيه.. يرضي مين!!».