حلّت الفنانة هنا الزاهد ضيفةً على برنامج تلفزيوني يُقدّم عبر قناة "المشهد" على هامش العرض الخاص لفيلم "مستر إكس" الذي طُرح أخيراً في دور السينما، حيث تحدثت عن الشائعات التي تلاحقها باستمرار حول طلاقها من زوجها النجم أحمد فهمي، وكشفت أسباب تأخرها في الإنجاب، بالإضافة إلى مميزات وعيوب العمل مع زوجها.
وقالت هنا عن شائعات طلاقها: "لو في أي حاجة بتحصل الناس كلها هتعرفها، مبحبش أطلع أقول لا أو آه، لإني بحس إنها بتكبّر الموضوع أكثر".
وعن عملها مع فهمي في فيلم "مستر إكس"، قالت الزاهد: "التمثيل معه له مزايا وعيوب، أبرز العيوب حرصي على عدم القيام بتصرف يضايقه، بكون شايلة هم إني معملش تصرف يضايقه، ساعات ميعجبنيش حاجة في شعري أو ميكاب، وفي وسط المشهد أقول إني محتاجة تظبيط، فيقول لي ما خلاص بقى".
أما عن الإيجابيات، فقالت: "أحمد فهمي بيحرص على الإدلاء برأيه بالمشاهد اللي بأقدّمها وبيدفعني لتقديم الأفضل، ويقول لي ممكن تعمليه أحلى، وممكن يديني إفيهات ونجرب".
وعن تأخرها في الإنجاب، قالت هنا: "إحنا سايبينها على ربنا، والفترة دي إحنا مشغولين، أنا عندي شغل وهو عنده شغل ومحدش يعرف ربنا كاتب إيه".
