.# انا من فلسطين..
مش من غزة.
.ولا من الضفة 
وال٤٨
ولا الشتات ..

انا من فلسطين..
فلسطين كلها ..
ولا اشي ناقص منها 
محدش غير فيها اشي .

مدنها اسمائها عربية
ولا اسم عبري

مفش ولا حاجز فيها ..

وقت ما بدى بروح علي حيفا .. 
وهما كمان بيجو عنا ..
ولا حدا بوقفهم وبفتشهم ..

انا من فلسطين
اللي فش فيها ولا جدار ..

جوها وحدودها كلها النا .. 
احنا بس اللي النا سلطة عليها ...

انا من فلسطين
اللي فيها مينا ومطار. ...

ولادها بنوه في اديهم 
مش تبرع ولا منحة...

شوارعها مضوية ليل نهار ...

مفش طيران حربي في سماها .. 
واشباح سودة بتمطر نار علي الاطفال. .

اصلا محدش بيسترجي يفوتها...

مراكبها وسفنها فيها صياديين من عنا. ..

الها جيش بيحمى حددوها ...

انا من فلسطين
اللي لون علمها ونشيدها الوطنى واحد ...

كل اللي فيها بيحملو هوية وحدة
لونها اخضر. 
مفش. الوان تانية لئنو ممنوع...

والهم جواز سفر واحد ..
مش فيزا .. ولاوثيقة ولا اقامة ..

كل مطارات العالم مفتوحة الها

فلسطين اللي فش الها ولا اسير

اللي فيها خبز الطابون 
والزتون والبلح والزعتر ....

اللي بناتها شاطرين بتطريز والغزل
وشبابها بيعرفو يدبكو .

الجوامع فيها جمب الكنايس 
لانها ارض السلام والحمام

عرفتو انا من وين..

انا من هناك. ...
من فلسطين...

شادي العشي