زمان ..... لما كنا أصغار _شادي العشي
أنا عندى رسالة مخبيها
وحكاية بدى احكيها
ابنى وابنك رح ينقلها
وبكرا رح يتباهو فيها
حكاية شعب تحدى الظلم
وناس انسرقت اراضيها
كنا وقتها ولاد صغار
بنجري وبنلعب جمب الدار
سمعنا أصوات من بعيد
صوت النار كان بزيد
دقت أجراس المواعيد
وما عرفنا ايش اللى بصير
كان نهار وطلع نهار
واحنا لسة بجمب الدار
كانت أطفال مدبوحة
بنسأل مين ؟ ...هادا مين؟!
دم على طرف السكين
وقلوب الناس مجروحة
كانت أمى بتبكي
ودموعها ما بتكفي
ضمتنا وصارت تشكي
وتدعي الله ينجينا
تعرفوا ايش عملو فينا !؟!...
حرقوا الزرع !!
وهدوا الدار..
وما ضل مية تكفينا
سرقوا البسمة من الاطفال
وزرعوا مكان الرحمة دمار
وربطو الحبل فى أدينا !
رجعوا أبطال الثورة ومعهم حلم الحرية
فى أيدو سلاح ومهرة ومتخفي بكوفيه
لأجلك يا بلادى الحرة رح افديكي بعنينا
تسلملى جبالك وسهولك وزرعك والميه
