" زغرطي يا انشراح "
السح الدح امبو
الواد قَتل أخوه
العَيل ضَرب أبوه
العيلة مبقتش عيله ا
الوطن قسموه
السح الدح امبو
*** زغرطي يا انشراح
بيقولوا الصُبح لاح
العتمة لسه عتمة
عم ناطر جه
وراح مبقاش انشراح
صوَتي يا انشرح ***
الواد سعيد
أبو عُمر مديد
كان عامل هيصة
وزيطة أيام العيد
يحمل بُندُقة حديد
الفرحة مش سيعاه
يا عيني اتكسر من جواه
لما القهر جاه
م اللي كانوا وياه يقولوا حُماه
*** أُم السعد يا فرحه
دَمعِتك جارحه وانتي سارحة
وكلي أمرك لله
ولادك فيهم حبايب
يمشي اللي عايب
يبقى الوطن براح
وارقصي يا انشراح
" كلمات :- عبدالقادر فرج الله "
